(Notat etter telefonsamtale med Solveig Halse Myrvold, Liadal (f.1938))

-

Då ho var lita, truleg under eller rett etter siste krig, spurde ho bestefar sin, Jørgen Halse (1872 – 1960), om kvifor Raudøya hadde det namnet, ho var då ikkje spesielt raud ?

Han gav henne då denne forklaringa:

Han kunne heller ikkje gi noka god forklaring på raud-namnet, men la til at  Raudøya heitte noko anna før i tida: Primsigd eller Sigdarholm, og det namnet skulla ha kome av at øya såg ut som ein sigd når ein såg ned  på henne frå høgda lenger oppe i fjellsida.

Solveig H.M. nytta denne informasjonen i ei revyvise ho skreiv for eit lag på Håvoll, ho nytta då namnet ”Sigdarholm” og visa vart skriva på slutten av 80-talet (1986?) Slik var første verset:

Bue Digre redda gullet

sprang til fjells på lette bein

Gøymde skatten i ei hole

medan spjut og pilar kvein.

Gamle skaldar kvesste kniven;

Skar små runer nøye inn,

her vart méd og merke skildra

på eit nyflådd okseskinn.

Slaget stod ved Hjørungsteinar

og vi har forklaringa

på at det var her i bygda

sjølve krisområdet va`.

Slik eit storslag sette merke

i terreng, i mann og møy.

Lune, gode Sigdarholmen

vart ei blodige, raude øy!

..